!~قصتي مع مستشفى عرقه المهجور مع الصور‎ .. رعب × رعب

السلام عليكم
طبعا هذي مو قصتي هذا الموضوع جاء رساله على الايميل من مده وحاولت انقله لكم بس للأسف كان وقتها الموقع مقفل

المهم مااطول عليكم

حياكم بالقصة المخيفة

هذي قصة واحد دخل مستشفى مهجور


السالفه يا اخوان ابتدت يوم كنا نحوس وندوس في انا واخوياي في شوارع الرياض الجميله <<<ايه من جنبها







طبعا مهنا مكان نروح له

المهم احنا خمسه بذاك الوقت قلت لـ اخوياي : ترانا طفشنا من الدوجان نبي شي جديد

نقز خويي علي قالي : سمعت ان فيه مستشفى في عرقه مهجور ويقولون العيال ان مهجور من حرب الخليج جوه اخواننا الكويتيين وجلسو فيه وبعدها معد احد دخله
ويقولون فيه جن انا بس سمعت جن قلت له جايينه جايينه







عاد تعرفون مافي احد منا مايحب الجن ومايخاف منهم <<< كيف تجي ذي

مالكم بالطويله قلنا طيب تدله قال اييه قلنا خلاص تمام بكره نبي نروح له العصريه قالو الشباب تم

المهم على كلامنا تجمعنا العصريه ورحنا له
المستشفى كبير وفيه سكن اكبر منه مافيه ومهجور
من برى وقصم انه اطلق من مستشفى الشميسي
المهم قعدنا نحوس عليه من برى طبعا بالسياره مالقينا مدخل له
المهم قررنا ان احنا ننقز فوق السور طبعاً السور شوي عالي ومافيه صعوبه
لبقت السياره ونزلنا العيال في البدايه مسوين احنا الـ محنب خايفين من احد لكن من دخلنا ضاعت علومهم
المهم نقزنا وضبطنا امورنا جينا لـ باب مكسور نصه دخلنا معه
والمكان من داخل مغبببببر عليه اكوام تراب
المهم دخلنا والله بدا الظلام يجي طبعا مو الوقت لا المكان مظلم وموحش
دخلنا وكل واحد فاتح جواله وينور به طريقه
المهم قعدنا نحوس ونفرفر يمنتن ويسره طبعا هالحتسي كله بالدور الاول
المهم دخلنا الكافيتيريا وكان فيه درايش ومنور المكان
المصيبه اننا لقينا جريده الرياضيه محطوطه على وحده من من الطاولات ومفتوحه قرينا التاريخ لقيناه مايتعدى الثلاث اشهر
المهم سمعنا صوت قوووي مرررره في الدور الثاني العيال خاافو وكل واحد صفقته ام الركب
وماااتشوفون الا نعال تتطاير في السماء من النحشه
المهم طلعنا واحنا نشاهق من الخوف
ويوم طلعنا قابنا سيكورتي قال لنا : وش جابكم هنا بهالوقت .؟؟
قلنا لا والله بس واحد من العيال يقول ان هنا جن وحبينا نشوف قال اهاا
روحو ولعد اشوفكم هنا مرتن ثانيه قلنا ايه طيب <<< سلكنا له طبعا
بس الي لاحظنا عليه اننا نذب ذبات نبي نلطف الجو هو مايضحك ولا يغير نظراته
المهم طلعنا وتونا جايين بنركب السياره جت ورانا كامري شرطه سريه قال كل واحد اثباته عطيناه اثباتاتنا
قال وش جايبكم قدام هالمستشفى قلنا له الي قلناه للسيكورتي
قلنا له بس السيكورتي واحنا داخلين ما قال لنا شي
قال اي سيكورتي .؟
قلنا السيكورتي الي هنا
قال والله مافيه سيكورتي هنا من 9 سنين
احنا وجيهنا صارت كذا
قلنا اهااا
وركبنا السياره ومشينا
قلت لهم داخله داخله الله لايعوق بشر بس مهوب معكم يا الزلايب <<< طالعن منها الاخو
الا ان كان بتجون معي قالو تمام بس نبي نصير مجموعه مو تسذا ملحطين
77777
التكمله ان شاء الله الرد الجاي << لاتقولون روايه وما روايه بس تعبت من الكتابه وان شاء الله بخلي خويي يرسل لي الصور واسدحها لكم فيذا










التكمله !!



777777




المهم جينا مره ثانيه وكان عددنا حول الـ 18 شخص <<<<< جمعنا كل الي نعرفهم


معنا كشافات من هنا لليل


المهم وصلنا للمستشفى الساعه 2 ونص الليل <<< يقالك بنخربها


رحنا للموقع نفسه الي كنا فيه امس لقينا البوابه الي كانت مسكره صارت مفتوحه قلنا زين محنب ناقزين ولا شي ج< هذا الي هامكم يا مال الي منيب قايل


ورحنا للباب نفسه لقينا الباب كله مكسور امس كان نصه لا الحين كله مكسور


وقايلين العيال ان الدور الارضي والاول مافيه شي يخوف يقولون الادوار الي بعدها وثلاجه الموتى هي الي عليها الكلام


المهم واحد من الي جبناهم قد مره داخل المستشفى وشوي يعرف الي فيه


قلنا له وين ثلاجه الموتى


بقول لكم الوصف اول ما تدخل تمشي سيده بعدها تروح يسار تسيد شوي تروح يمين تجيك الثلاجه بـ وجهك <<< ومن قالك انهم بيدخلونه


المهم ماعلينا


رحنا لـ ثلاجه الموتى


ووالله على ما اقوله شهيد فيه دريشه على الباب طليت انا وواحد من اخوياي لقينا منور شوي وفيه ظل على الجدار ناس يمشوون كثيرييين وربي كثيرين


انا وخويي ماصفقتنا ام الركب الا صفقتنا ام النخاع الشوكي المهم قلت للعيال قالو خلاص بنروح وبنشوف وش شفتو


راحو وشافو ومالقو شي بس نور ابيض المهم قالو الله يقلعكم هبلوتنا واخر شي مافيه احدقالو خلاص بنرقى للدور الي بعده قلنا لا محنب جايين بنجلس هنا قالو طيب بكيفكم


قلنا هااااه لا خلاص بنجي بنجي ماينمزح معكم انتو قالو خلاص طيب امشو ولا يكثر وجلست اتحلطم<<< يقالك معصب <<< يا حبني لي اذا عصبت


المهم رقينا للدور الي بعده ومالقينا فيه شي يجذب او يخوف


ورقينا الدور الثالث قالو الشباب احس ان شكلنا غلط خلنا نروح نرقى للدور الي بعده واذا لقينا شي شيات عطنياكم رنه <<< على طريقه الافلام يقالك


قلنا اوكي المهم فتشنا كل شي ما لقينا شي المهم رحنا للدور الرابع والخامس والسادس كلها مافيها نور ومافيه شي


المهم وصلنا للدور السابع لقينا الباب حقه مقفول بس واضح ان لو تهف الباب طاح



المهم وجينا بنوخره طاح وانكسر ووالله الدور منوور كللله شي غرررريب وفيه اثار رجول كأنها من شوي ماااره المهم رحنا ودخلنا غرفه العمليات وورب الي خلقكم اننا لقينا شاهي يطلع منه بخااار يعني توهم مسوينه


احنا طارت عيوننا


جلسنا ننادي يمكن يصير فيه احد ولاش


قلنا يمكن نصير متوهمين درنا في هالدور كله المهم ثنين من اخويانا قالو والله انكم موسوسين احنا بنرقى الدور الي بعده وانتو دورو يا سبايك


المهم هم رقو واحنا قاعدين ندور


ما وعينا الا نسمع صراااخ اخويانا الثنين


وركضنا للدرج بنشوف وش فيهم شطفونا داااعسييين نازلين لـ تحت والله وكلنا نلحقهم وواحد من العيال يقراء ايه الكرسي


قعدنا نلحقهم طولنا واحنا نركض وراهم الييين طلعنا


واحنا موب تعبانيين الا متقطعين من التعب المهم وقفناهم قلنا وش فيكم يا مال الوجع خرعتونا واحد منهم طاقته ام الركب وساكت ما يتكلم رحنا للثاني قلنا وش فيك يالله بل يالله تكلم


المهم قال والله وبالله واقسم بالله اني صادق على كل كلمه اقولها قلنا عارفين بس قل


قال واحنا تونا داخلين الدور الثامن كان مظلم المهم وتعمقنا شوي بالدور فجاه دخلنا غرفه فيها ثلاثه ماشفنا الاظلال او لابسين شين اسود بس والله مافهمنا عليه من كلامه قاعد يتأتئ <<<< حاولو تقرونها


المهم يقول ركضو وسحبو يد خويي الي الحين ما يتكلم انا مسكت به وبعد جهد جهيد فكيته منهم ووصلنا للدرج وقمنا نصارخ وعاد بعدها شفتونا


المهم قالو واحد من العيال يمكن انهم حراميه ولا شي ويوم شافوهم قمطو قلنا خلاص نجي كلنا ونشوف قالو الثنين والله مانروح لو على قص رقبتنا


وثلاثه بعد قالو كذا وركبو السياره


احنا رقينا للدور الثامن وتونا واصلين له الا والله العظيم تطلعنا ثلاثه قطاوه سوووود وتشطفنا رايحتن للسطح واحنا والله جلسنا يمكن ربع دقيقه طاقتنا ام الركب فيها


بعدها ما تشوف الا قوه ركض صرنا ما شاء الله غزلان المهم طلعنا وشفنا الدور الثامن يولع ويطفي قلنا لا ما بدهاش ارفع ثوبك يا ولد <<< تسذب كان لابس جينز وتيشيرت


ونفرك ذيك الفركه الي مابعدها


ولاعد عتبنا عليه مره ثانيه


بس الشي الغريب ان فيه اجهزه جدييييييييييييييده مررره بكراتينها


وبعد ماسويت بحث يقولون انه انه مبني من عام 1400 في عهد الملك خالد الله يرحمه


وصدق خويي انهم جو فيه الكويتيين ومن بعدها انهجر المستشفى


بس والله شي يقهر اجهزه من اعلى المستويات << متعوب عليها


واشياء من جد سابقه عصرها


وان شاء الله الصور تثبت كلامي



والصور ان شاء الله بكره



ووالله ياشباب ويا صبايا ان مازدت ولا نقصت ولا حرف ناقلها لكم نصاً


والله على ما اقوله شهيد


والي مو مصدق يروح يدخله ويشوف



الصور؛


7


7






هالصوره من غرفة الحاسب الآلي حقهم


يالله دخلوا الرقم السري حق لوست عشان يبدا العد التنازلي من جديد عشان ماتجينا الهزة الأرضيه







شوفوا ضخامه الأجهزة , تحسونها شئ قوي , وتذكروا انها من عام 1400


يعني صدق شئ يذهل







مدري وشو








مدري وشو بعد بس يمكن حق تسجيل مكالمات او هيك شئ







نو كومنت


لكن شكله من اثار الأذرس









هذا يقولكم ياطويلين العمر , قبل 30 سنه كانوا يسمون كبار الشخصيات كنار الشخصيات


لكن طبعا مع عوامل التكيف والتعريه تحولت من كنار لكبار







أحد الأسياب













عشان تصدقونـي بس ان بعض الاجزاء منوره بس







اشونها مستودع اجهزه يلعبون علينا


هالغرفه داخلها كراااتييين hp وااجده الى السقف اجهزة جدييييده


ماقدرت اصور لان داخل الغرفه مظلم مره












احد غرف العمليات , باللهي ماتشبه غرف مستشفيات الأذرس


قايلكم لووست لوووست








جهاز بغرفة العمليات , شكله حق الاكسجين وتخطيط القلب والحاجات هذي








غرفة عمليات ثانية , شكلها حقت استنساخ على كثر الأجهزة اللي فيها







بسم الله علينا الرحمن الرحيم


نصابين رحنا لمكانهم ولا لقينا شئ








مخطط الدور الأرضي للمستشفى , الغريب اننا مالقينا الا دورين , ويوم قوقلت عنه


مكتوب انه 8 ادوار , يبيلنا روحه ثانية نشوف الأدوار الباقيه وين راحن












يوم شفت هالكيبورد تذكرت دقة كمبيوتر صخر , - تنننا تتننننااا تنننااااا








نعم نعم , هذا هو شكل المرأه قبل 30 سنه


قولوا بعد اني كذاب هااه , هذي الصوره دليل واضح امامكم انا لم آتي بخزعبلات من راسي





سوي ادفع فاتووورااااه بعدين سوي ارجع مره تاااني







الرسبشن حقهم








والله اجهزه قوية , حسافة مثل هالمستشفى يترك ويرمى !








قسم العناية المركزه








شكلنا ضايقناهم بهاللمبات , ويقولنا طفوهن لاخلصتوا


تف تف برى وبعيييد


طيب اسفين طال عمرك













<<يا ويلي


كيف الانوار مشغله من 30 سنه !!!!!!!!!!!!!!!!!!


لا ولقوا شاهي حار


وجريده !!


والسكيورتي شي ثاني


رعب رعب


لو ايش ما دخلته !!!



هذولا يامهبل يامجنن يا مو صاحين




احد يدخل مكان مهجور مع سبق الاصرار والترصد لااااا والساعه 2 بالليل!!!



مـنـقـوول

بالحقيقة الرجل الذي يروي لنا هذه القصة

فقدحلف لنا بالله وانه لقسمآ لوتعلمون عضيم

فأنا ليس لي خيارآ سوى التصدييق

والذي يجعلني اصدق ذالك هو معرفتي

وعلمي بهذا المستشفى وسبق ان رئيته

عن قرب ولكن لم ادخله والمكان الي

فيه هذا المستشفى مخييف ومهجوور من عدت سنيين

كما جااء في الروية ونحنو نعلم ان الجن تسكن الأماكن المهجوورة
صمت الشفايف

لك مني جزيل الشكر على هذا النقل

تقبل مرووري

والله انهم مجاانين بصراحه
ايش يودييهم مستشفى مهجور من 30 سنه
اكيد بيكون ساكن فيه جن وعفااريت

بصراحة يا صمت فتحت لي باب ما عليه بواب

أفكر إني أزور هالمكان << من عشاق المغامرة

وإن شاء الله راح أنزل صور لهذا المستشفى بتصويري الخاص

قولوا ان شاء الله

وإن ما رجعت لكم
أدعولي بالرحمة

ههههههههههههه ..

آحـد يرمي نفسـه بآلنآر ..

صمت .. يعطيك العآفيـه ..

فصه مخيفه وآلصور شي ثاني ..

لالالالالالالالالالا حرام عليك صمت قسم بالله نشف دمي وجاتني ام الركب
وانا مارحت
الله يسامحك الحين مانام الا لمن تطلع الشمس
حبك وهم بلا هباله لاتروح وربي مكان يخوف تكفى لاترووح<بتبكي من الخووف
وربي اخس اني بنجلط